Mae dyn wnaeth daro dyn mewn oed tan iddo golli ymwybyddiaeth yn ystod ymosodiad direswm yn ei gartref ei hun wedi’i garcharu.

Mi ymddangosodd Jason Mark Owen, o Laingoch, Caergybi yn Llys y Goron yr Wyddgrug ar ôl cyfaddef achosi niwed corfforol difrifol.

Ar dydd Gwener 10 Ionawr, mi ddechreuodd y dyn 36 oed gnocio ar ddrysau a ffenestri yn Tan yr Efail, Caergybi, cyn iddo ddechrau bod yn sarhaus ac yn fygythiol tuag at breswylwyr.

Pan agorodd dyn 75 oed ei ddrws er mwyn gweld beth oedd yn mynd ymlaen, mi wnaeth Owen ymosod arno, a’i daro i’r llawr.

Yna, mi aeth Owen i fewn i dŷ’r dyn, gan achosi difrod i’r dodrefn y tu fewn, wrth i’r dyn orwedd yn anymwybodol yn ei gyntedd, efo’i drwyn ac asgwrn ei foch wedi’u torri. Yna dechreuodd aflonyddu pobl oedd yn mynd heibio, gan eu hannog i gwffio.

Mi gafodd Owen ei garcharu am ddwy flynedd a thri mis.

Dywedodd y Ditectif Gwnstabl Leslie Ellis: “Mi wnaeth gweithrediadau didrugaredd Owen y noson honno gael effaith ddifrifol ar breswylwyr Tan yr Efail."

“Ni wnaeth o ddangos unrhyw edifeirwch am ei ymddygiad ar ôl cael ei arestio a’i gyfweld, er ei fod wedi achosi i hen ddyn dorri ei esgyrn. Mi ddylai pawb deimlo’n ddiogel yn eu cartrefi eu hunain, ac mae Owen wedi tarfu ar y teimlad hwn o ddiogelwch."

“’Dwi’n diolch i gymdogion y dioddefwr, wnaeth frysio yn ddewr i’w helpu a helpu’r heddlu efo’n ymchwiliadau.”