Mae 19 o bobl wedi cael eu harestio yn dilyn ymgyrch yn erbyn troseddau cyffuriau yng Ngwynedd.
Gwelodd Ymgyrch Hessite swyddogion o Ogledd Cymru a Glannau Mersi yn gweithredu gwarantau dros dri diwrnod.
Daeth yr ymgyrch ar ôl derbyn cudd-wybodaeth am gyflenwi a dosbarthu cyffuriau ar draws y sir.
Gweithredodd swyddogion bedair gwarant o dan y ddeddf camddefnyddio cyffuriau yn ardaloedd Bangor, Caernarfon a Llanberis.
Gwnaethant stopio a chwilio 20 o bobl a arweiniodd at arestio 19 o bobl ar amheuaeth o droseddau gan gynnwys dwyn, meddu ar arfau a chyffuriau.
Cafodd pum arf a swm mawr o gyffuriau ac arian parod a amheuir eu hatafaelu hefyd yn ystod y gwarantau.
Yn dilyn yr ymgrych rhwng 12 a 14 Tachwedd, mae un dyn wedi cael ei alw'n ôl i'r carchar. Cafodd un dyn ei gyhuddo o fod hefo arf ymosodol ac un dyn wedi'i gyhuddo o fod hefo cyffuriau dosbarth A yn ei feddiant.
Dywedodd y Ditectif Arolygydd Dros Dro Andrew Davies: "Mae ymlid y rhai sy'n dod â chyffuriau i'n cymunedau ni'n parhau i fod yn flaenoriaeth."
"Mae cyflenwi cyffuriau'n arwain at weithgarwch troseddol, yn enwedig troseddau difrifol a threisgar, sy'n achosi gofid ac yn codi ofn ar drigolion."
"Byddwn ni'n parhau gweithredu ar wybodaeth a ddarperir i ni er mwyn aflonyddu ar y cyflenwad o gyffuriau i'r ardal. Mae'r wybodaeth hon yn chwarae rhan hanfodol wrth adnabod unigolion a'u rhoi ger bron y llysoedd."
Dinas Dinlle: angen adborth ar ffioedd parcio ceir
Cyngor yn cefnogi ymgyrch Rhuban Gwyn
Dirwy i ddyn am storio anghyfreithlon
Apêl i adrodd am droseddau treftadaeth
Gaerwen: cyhuddo dyn o stelcian
